🌠Memoria e presente do teatro galego nun espazo mítico da nosa escena, un cruce de encontros.
Director de escena, iluminador e actor, Xulio Lago é unha figura fundamental do teatro galego contemporáneo. Fundador e director do grupo vigués Esperpento, organizador das primeiras Xornadas do Teatro independente de Vigo nos anos 70, promotor doutros grupos como La Picota, Mari-Gaila ou Teatro do Atlántico, tamén traballou para o CDG e foi o director do seu primeiro espectáculo, Woyzeck, no ano 1984. Recibiu varios premios María Casares polo seu traballo e outras distintincións ao longo da súa dilatada carreira.
Dende a Escola estamos moi comprometidos e implicadas en establecer colaboracións con todas as organizacións sectoriais para que o noso alumnado poida participar, coñecer e impulsar a súa carreira ao lado do recoñecemento e agarimo colectivo de mestres e referentes que tanto fixeron por establecer as bases da infraestrutura, convenios e circuítos da profesión teatral. Afondaremos nas convivencias interxeracionais como fonte de aprendizaxe, respeto e cohesión do noso sector escénico.
Coidar as fondas raíces sempre será a mellor postura tamén para que agromen os mellores froitos do futuro.
#festivaisdeteatro #verán #galicia